Gəncədə yeniyetmənin qətlinin bəzi detalları üzə çıxıb.
Unikal.az xəbər verir ki, qətlə yetirilən Tunar Məmmədova hadisəni törədən Arif Hətəmovun 10 manat borcu olub. 10 manata görə tərəflər arasında bir neçədə dəfə mübahisə olub. Lakin hadisədən əvvəl A.Hətəmov 10 manat borcunu Tunar Məmmədova qaytarıb. Sonra hadisəni törədən şəxs Tunar Məmmədovu şəhərin Natavan qəsəbəsində dəmiryolu xəttinin yaxınlğına söhbət etmək üçün çağırıb. Yenidən tərəflər arasında mübahisə düşüb. Bu zaman Arif Hətəmov özü ilə gətirdiyi bıçaqla Tunar Məmmədovu vurub. Bıçaq xəsarəti alan yeniyetmə dərhal xəstəxanaya aparılıb. Lakin həkimlər onun həyatını xilas edə bilməyiblər.
Məlumata görə, hər iki yeniyetmə dost olub.
Faktla bağlı araşdırma aparılır.
