Serbiyanın keçmiş Prezidenti Aleksandar Vuçiç bazar günü keçirilən parlament seçkilərində tələbələrin rəhbərlik etdiyi etiraz hərəkatına məğlub olduğunu etiraf edib.
Bu barədə İnsanoid.com xarici KİV-ə istinadən xəbər verir.
Vuçiç mövzu ilə bağlı bildirişində deyib:
"Hələ ki son nəticələrə sahib deyilik, lakin ilkin nəticələrə əsasən aydındır ki, biz bu seçkiləri uduzmuşuq. "Tələbə Siyahısı" qələbə qazanıb, onlar parlamentdə 135-140 yer alacaqlar, biz isə 105 yer qazanacağıq. Başqa heç bir qüvvə parlamentə daxil ola bilməyib."
Vuçiç tərəfindən sentyabr ayında elan edilən növbədənkənar seçkilər 2024-cü ildə Novi Sad şəhərində qatar vağzalının tavanının uçması nəticəsində 16 nəfərin həlak olmasından sonra başlamışdı. Bu hadisə təxminən iki il davam edən və korrupsiya ilə avtoritarizmə qarşı yönəlmiş tələbə nümayişlərinə təkan vermişdi.
Geniş xalq dəstəyi qazanan tələbə hərəkatı Vuçiçin 2014-cü ildə baş nazir, 2017-ci ildə isə prezident seçilməsindən bəri onun hakimiyyəti üçün en ciddi təhlükəyə çevrilib.
