General-leytenant Rövşən Əkbərovun cəzası dəyişdirilməyib, onun apellyasiya şikayəti təmin edilməyib. Bu haqda dekabrın 27-də Report məlumat yayıb.
Qeyd edək ki, sabiq birlik komandiri məhkəmənin hökmü ilə 10 il müddətinə azadlıqdan məhrum edilib. O, “qəsdən adam öldürmə” maddəsi ilə ittiham olunub. Lakin generalın hərbi rütbəsi və fəxri adları alınmayıb. Səbəb məhkəmə işində bununla bağlı təqdimatın olmamasıdır.
Azərbaycanın Milli Qəhrəmanı Rövşən Əkbərov 16 mart 2021-ci ildə həbs edilib. General-leytenant Kiyevdə iş adamı Elçin Əliyevi şəxsi münasibətlər zəminində qətlə yetirməkdə təqsirləndirilir. O vaxt yayılan məlumatlara görə, mərhumun ürək nahiyəsinə hərbi bıçaqla zərbələr endirilib.
