Azərbaycanın coğrafi adları, xüsusilə də Qarabağdakı yer adları "Google" və "Yandex"in xəritələrində qəsdən təhrif edilib. Bu barədə rəqəmsal inkişaf və nəqliyyat nazirinin müşaviri Rəşad Bayramova istinadən Trend xəbər verib.
“Onlayn xəritələr çox zaman həmin ərazidə yaşayan insanlar tərəfindən oraya verilən adlar əsasında hazırlanır. 30 ilə yaxın müddət ərzində Azərbaycanın işğal edilmiş torpaqlarında yaşayan ermənilər bu fürsətdən istifadə edərək həmin xəritə sahiblərinə erməni mənşəli adlar barədə məlumatlar göndəriblər”, - deyə Nazirliyin nümayəndəsi qeyd edib.
O vurğulayıb ki, Azərbaycan hökuməti bu təhriflərin qarşısının alınması üçün müəyyən addımlar atıb: “Ötən dövr ərzində "Google" və digər şirkətlərə rəsmi məktublar göndərilib, son bir il ərzində 15 belə rəsmi məktub göndərilb”.
Rəşad Bayramovun sözlərinə əsasən, göndərilmiş məktublar sayəsində 100-dən çox Azərbaycan coğrafi toponimi düzəldilib.
