Goranboyda Gorançayın üzərindəki körpüdə yol-nəqliyyat hadisəsi baş verib. Bu haqda 27 dekabrda Oxu.az xəbər verib.
Hadisə gecə saatlarında törədilib. Üzərində 5 minik və 1 yük maşını olan iritonnajlı avtomobil körpünün beton konstruksiyasına, daha sonra isə dəmir arakəsmələrə çırpılıb.
Qəza nəticəsində 1 avtomobil yük maşınından düşərək əzilib. Digər nəqliyyat vasitələri isə zədələnib.
Sürücüyə hadisə yerində tibbi yardım göstərilib.
İlkin məlmata görə, qəza sürücünün idarəetməni itirməsi nənicəsində baş verib. Faktla bağlı araşdırma aparılır.
