Goranboy rayonunun Dəliməmmədli–Düzqışlaq–Bağçakürd–Dəyirmanlar–Azad–Nizami avtomobil yolunun tikintisi başa çatıb. Bu barədə mayın 5-də Azərbaycan Avtomobil Yolları Dövlət Agentliyindən məlumat verilib.
Yenidən qurulan və 14 min nəfər əhalinin yaşadığı 6 yaşayış məntəqəsini birləşdirən yolun uzunluğu 16 kilometrdir.
Yol boyu avtobus dayanacaqları inşa edilib, nişanlama xətləri çəkilib, yol nişanları və məlumatverici lövhələr, siqnal dirəkləri quraşdırılmaqla vətəndaşların istifadəsinə verilib.
“Yolun tikintisi yaşayış məntəqələrinin sosial-iqtisadi inkişafına böyük töhfə verəcək, yoldan istifadə edən vətəndaşların gediş-gəlişini rahatlaşdıracaq”, - deyə əlavə edilib.
