Göyçayda kişi iki yeniyetmə oğlanı zorlayıb.
İnsanoid.com-un əldə etdiyi məlumata görə, hadisənin istintaqı Göyçay Rayon Məhkəməsində keçirilib.
Belə ki, təqsirləndirilən Elnur Məmmədov (ad şərtidir) 1989-cu ildə Göyçay rayonunda anadan olub. O, həmkəndliləri 14 yaşlı Asif Səfərov (ad şərtidir) və Cavid Vəliyevi (ad şərtidir) kəndin “Şilyan” çayı adlanan ərazisinə aparıb. Orada qeyri-təbii yolla cinsi əlaqədə olmağa razılaşdırıb. Öz istəyini yerinə yetirmək üçün müxtəlif zamanlarda onları çayın ətrafındakı həmin əraziyə aparıb.
Elnur Məmmədov Azərbaycan Respublikası CM-nin 152.1 və 153.1-ci (yetkinlik yaşına çatmayan şəxslərə qarşı seksual hərəkətlər) maddələri ilə təqsirləndirilib.
Məhkəmədə ifadə verən Elnur Məmmədov özünü ittiham üzrə qismən təqsirli bilib:
“Asiflə Cavidi həmkəndli kimi tanıyıram. Asif mənim əvvəllər işlədiyim məktəbdə 9-cu sinifdə oxuyur. Cavid isə 3-4 il bundan qabaq ailə üzvləri ilə birlikdə yaşamaq üçün kəndə köçüblər. İçkili olduğum gün Asifə yazıb, mənimlə qeyri-təbii yolla cinsi əlaqədə olmasını istəyəndə mənimlə razılaşdı. Bundan sonra bir neçə dəfə təkrarən maşınla hər ikisini götürüb çayın ətrafına apardım. Orada hər biri ilə ayrı-ayrılıqda qeyri-təbii yolla cinsi əlaqədə oldum. Əməlimdən peşmanam”.
Məhkəmə iclasında zərərçəkmiş Asif Səfərov ifadə verib:
“Hazırda 9-cu sinifdə oxuyuram. Elnur əvvəllər məktəbin bağbanı olmaqla yanaşı, bufetində də işləyib. Eyni kənddə yaşadığımız üçün eşitmişdim ki, o, kişi cinsli şəxslərlə cinsi əlaqədə olur. Bir gün gecə yatdığım yerdə tanımadığı mobil nömrədən “salam” mesajı gəldi. Onunla danışanda Elnur olduğunu öyrəndim. Danışıq zamanı mənimlə qeyri-təbii yolla cinsi münasibətdə olmaq istədiyini dedi. Bir müddət fikirləşsəm də, təklifi ilə razılaşdım. Amma görüşə tək getmədim, yanımda Cavidi apardım. Çayın kənarına gedib orada hər ikimiz Elnurla qeyri-təbii yolla cinsi əlaqədə olduq. Növbəti dəfə görüşəndə Cavid Elnurla cinsi əlaqədə olduğu zaman telefonumla bir neçə saniyəlik video görüntü çəkdim və saxladım. Bundan Elnur xəbərsiz idi.
Həmin gündən sonra o, bizi dəfələrlə görüşə çağırsa da, razı olmadıq. Məcbur etdiyi üçün açıb hər şeyi dayıma dedim. Nəticədə valideynlərimiz polisə şikayət etdilər”.
Daha sonra məhkəmədə zərərçəkmiş Cavid Vəliyev ifadəsində Asif Səfərovun dediklərini təsdiqləyib və hadisənin eyni ilə baş verdiyini danışıb.
Tərəflərin çıxışından sonra məhkəmə müşavirəyə yollanıb. Sonda məhkəmənin qərarı ilə Elnur Məmmədov 4 il müddətində azadlıqdan məhrum edilib.
Fidan İlqar
