Azərbaycanda hərbi qulluqçuların sosial şəbəkələrdə hərbi xidmətlə bağlı məlumatları yaymaq, xidməti mənsubiyyətini açıqlamaq qadağan edilir. Bu qərar noyabrın 26-da “Hərbi qulluqçuların statusu haqqında” yeni qanun layihəsində əksini tapıb.
Yeni qanun layihəsinə əsasən, hərbi qulluqçulara tətil etmək, siyasi partiyalara, qeyri-hökumət təşkilatlarına, dini qurumlara və həmkarlar ittifaqlarına üzv olmaq, nümayişlərdə iştirak etmək qadağan edilir.
Həmçinin sahibkarlıq fəaliyyəti ilə məşğul olmaq, daimi yaşayış üçün xaricə getmək, dövlət sirrini yaymaq, hərbi xidmətlə bağlı kütləvi informasiya vasitələrinə komandirlərin icazəsi olmadan müsahibə vermək qadağandır.
Eyni zamanda qadağan olunmuş əşya və ya texniki vasitələri hərbi hissənin ərazisinə gətirməyə və onlardan istifadə etməyə icazə verilməyəcək.
