Hacı Zeynalabdin Tağıyev - Sumqayıt avtomobil yolu 4 zolağa genişləndirilir. Layihənin icrası dekabrın 14-də AAYDA tərəfindən start verilib.
Tikinti işləri nəticəsində yolun mövcud eni 15 metrdən 23-25 metrə, hərəkət hissəsinin eni isə 7-10 metrdən 15 metrə qədər genişləndiriləcək.
Hazırda yol əsasının üst qatı inşa edilir, ardınca isə yeni asfalt-beton örtüyünün döşənməsi işləri icra olunacaq.
Layihə üzrə nəzərdə tutulan bir aşırımlı körpünün kənar dayaqlarının inşası da yekunlaşıb. Hazırda yolun digər hissəsində genişləndirilmə ilə əlaqədar kommunikasiya xətlərinin köçürülməsi işləri aparılır.
