Hacıqabulda postda avtomobildən silah-sursat, beşbarmaq götürülüb. Bu barədə 23 dekabr tarixində Report Daxili İşlər Nazirliyinə istinadən məlumat verib.
Məlumata əsasən, polis əməkdaşları əvvəllər məhkum olunmuş Abşeron rayon sakininin idarə etdiyi “KİA” markalı avtomobildən lüləsi kəsilmiş ov tüfəngi, 3 ədəd patron, 1 ədəd “Blow Nagnum” markalı idman tapançası, ona aid daraq, 1 ədəd patron, 1 ədəd beşbarmaq və 1 ədəd ov bıçağı götürülüb.
Faktla bağlı araşdırma aparılır.
