Hərbi qulluqçumuzun minaya düşməsi ilə bağlı cinayət işi açılıb. Bu barədə Report 10 sentyabr tarixində xəbər verib.
Müdafiə Nazirliyinin N saylı hərbi hissəsinin hərbi qulluqçusu Eminov Xəyyam Mahal oğlunun piyada əleyhina minanın partlaması nəticəsində müxtəlif dərəcəli bədən xəsarətləri alması barədə Ağdam hərbi prokurorluğuna məlumat daxil olub.
Ağdam hərbi prokurorluğunun işçiləri tərəfindən izahatlar alınıb, təxirəsalınmaz ilkin prosessual yoxlama hərəkətləri icra edilib.
Fakt üzrə cinayət işi başlanılaraq şahidlər dindirilib, müvafiq ekspertizalar təyin edilib və digər zəruri istintaq hərəkətləri həyata keçirilib.
Hazırda istintaq davam etdirilir və qanunvericiliyin tələblərinə uyğun olaraq bütün tədbirlərin görülməsi təmin olunacaq.
