Hava şəraiti ilə bağlı ölkənin avtomobil yollarının vəziyyəti açıqlanıb. Bu barədə dekabrın 23-də Azərbaycan Avtomobil Yolları Dövlət Agentliyi məlumat yayıb.
Toğanalı-Kəlbəcər-İstisu yolu: hazırda yağıntı yoxdur, yoldan kənarlarda qarın hündürlüyü 30-35 sm təşkil edir. Yolun qardan təmizlənməsi işləri davam etdirilir, yola qum-duz səpilir.
Bakı-Quba-Rusiya Federasiyası ilə dövlət sərhədi: Siyəzən, Şabran, Quba və Qusar rayonları ərazisində zəif qar yağır. Yol qardan təmizlənib.
İsmayıllı-Qəbələ-Oğuz-Şəki yolu: İsmayıllı və Qəbələ rayonlarına 6-8 sm qar yağıb.
Respublikanın digər yollarında yağıntı yoxdur, yollarda avtomobillərin normal hərəkəti təmin edilib.
