Azərbaycan cüdoçusu Elcan Hacıyev Paris xəstəxanasına çatdırılıb. Bu barədə İnsanoid bu gün, 31 iyul tarixində xəbər verir.
Buna idmançımızın zədə alması səbəb olub.
O, Paris-2024 Yay Olimpiya Oyunlarının 1/8 final görüşünün sonlarında xəsarət alıb. Maksim-Qael Nqayapa Qamba ilə qarşılaşmada əlindən zədə alan idmançı tibbi personalın köməyi ilə zalı tərk edib. Xəstəxanaya göndərilən Elcanın zədəsinin nə dərəcədə ciddi olması müayinələrdən sonra müəyyənləşəcək.
Qeyd edək ki, Elcan 1/16 finalda türkiyəli Mihael Zqanqa qalib gəlsə də, fransalıya məğlubiyyətdən sonra mübarizəni dayandırıb.
