Dağ Yəhudilərinin Beynəlxalq Xeyriyyə Fondunun saytında Fransa Senatının tətbiq etmək istədiyi sanksiyalara qarşı hazırlanan petisiyaya dəstək olaraq məqalə dərc edilib. Bu barədə oktyabrın 24-də İnsanoid xəbər verir.
Məqalə Yəhudi Milli Fondunun İdarə Heyətinin sədri Robert Tivyayevə məxsusdur. Bildirilib ki, Azərbaycanda son bir neçə gün ərzində insanlar kütləvi şəkildə Fransa Senatına ünvanlanan petisiyanı imzalayırlar.
Müəllif hər bir israillini bu petisiyanı dəstəkləməyə çağırıb.
Mətndə noyabrın 15-də Fransa Senatının Azərbaycana qarşı sanksiyaların tətbiqi ilə bağlı qətnaməyə baxacağı qeyd edilib. Sənəddə Avropa ölkələrinə Azərbaycanın qaz və neftinə embarqo qoymaları təklif edilir.
“Petisiyanın Fransa Senatına təsir edib-etməyəcəyini bilmirəm, amma bir çox israillinin bunu dəstəkləyəcəyini düşünürəm. Mən, həqiqətən, ümid etmək istəyirəm ki, fransızlar indiki vəziyyətdə sönmüş yanğına benzin qatmayacaqlar”, - deyə R.Tivyayev əlavə edib.
Xatırladaq ki, Azərbaycanın fərqli şəhər və rayonlarından olan 10 vətəndaş Mesopinions.com Fransa petisiya saytında Fransa Senatına və xalqına ünvanlanan müraciət yerləşdirib.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
View this post on Instagram
