İsrailin tanınmış rusdilli “İton-TV” onlayn telekanalı “Asiya - Böyük Oyun” analitik verilişini azərbaycanlılar tərəfindən hazırlanan və Fransa Senatına ünvanlanmış petisiyanı xüsusi vurğulamaqla Fransa - Azərbaycan qarşıdurması mövzusuna həsr edib. Bu barədə 20 oktyabr tarixində İnsanoid xəbər verir.
Verilişə qonaq qismində dəvət olunan Milli Məclisin deputatı Rasim Musabəyov petisiyanın imzalanma ideyasını hərtərəfli dəstəkləyib və Azərbaycanda yaşayanlarla yanaşı, ölkə xaricində, o cümlədən İranda yaşayan azərbaycanlıları, dağ yəhudilərini, israilliləri və, ümumiyyətlə, sözügedən mövzuda Bakını dəstəkləyən hər kəsi bu petisiyanı imzalamağa çağırıb.
O qeyd edib ki, Fransanın siyasətçiləri çox vaxt öz anti-Azərbaycan mövqelərinə onlara məktub və müraciətlər yazan erməniəsilli “seçicilərin təzyiqi” altında haqq qazandırırlar.
“Bununla azərbaycanlılar fransız siyasətçilərinin tək erməni tərəfinin mövqeyini tutmaması üçün güclü lobbi hərəkatı təşkil edə bilərlər”, - deyə millət vəkili bildirib.
View this post on Instagram
#BizAzərbaycanıq #AzərbaycanıQoruyaq
