“Biz istərdik ki, hökumət jurnalistlər üçün ictimai nəqliyyatdan pulsuz istifadəni, sosial ipoteka və vergi güzəştlərinə dair təklifləri qəbul etsin”. Bunu dekabrın 14-də Milli Məclisin iclasında İnsan hüquqları komitəsinin sədri Zahid Oruc söyləyib.
Onun sözlərinə əsasən, medianın qanuni maliyyələşməsi və onun dayanıqlı iqtisadi bazasının yaradılması üçün dövlət maliyyələşməsinin şəffaf və hesabatlıq şəraitində aparılması zəruridir.
“Qanun layihəsi həm də özəl investisiyanın bu sahəyə qoyulmasını təşviq edir”, - deyə sədr əlavə edib.
