Dünən Kəlbəcər rayonunda baş vermiş mina partlayışı hadisəsində hərbi qulluqçular müxtəlif dərəcəli bədən xəsarətləri alıb. Onlardan 4 nəfər hadisə yerindən təxliyə edilərək xəstəxanaya yerləşdirilib və hazırda müalicələri davam etdirilir. 1 nəfər hərbi qulluqçuya isə yerində ilkin tibbi yardım göstərilib.
Müdafiə Nazirliyinin məlumatımda 4 nəfərin təxliyə olunması, Baş Prokurorluğun yaydığı məlumatda isə 5 nəfərin xəsarət alması qeyd olunub.
Yəni Müdafiə Nazirliyi hərbi qulluqçuların təxliyəsi, Baş Prokurorluq isə hərbi qulluqçuların xəsarət alması barədə məlumat yayıb. Hər iki məlumat doğrudur, istifadə etmək olar.
11:01
Kəlbəcər rayonu ərazisində avqustun 5-i saat 19:05 radələrində təminat tapşırığı yerinə yetirərkən hərbi yük avtomobili Ermənistan silahlı qüvvələrinin basdırdığı minaya düşüb.
Bu barədə İnsanoid.com-a Müdafiə Nazirliyindən məlumat verilib.
Bildirilib ki, baş vermiş partlayış nəticəsində xəsarət alan Azərbaycan Ordusunun dörd nəfər hərbi qulluqçusu yaxınlıqdakı tibb müəssisəsinə təxliyə edilib. Onların həyatları üçün təhlükə yoxdur.
Faktla bağlı araşdırma aparılır.
