Bakıda iki piyadanın ölümünə səbəb olan sürücü 5 il müddətinə azadlıqdan məhrum edilib. Bu barədə martın 11-də Report xəbər verib.
Təqsirləndirilən şəxs cəzasını məntəqə tipli cəzaçəkmə müəssisəsində çəkəcək.
Hadisə 2021-ci ilin sentyabr ayında Qobustan qəsəbəsi ərazisində baş verib. Sürücü idarə etdiyi “VAZ-2104” markalı avtomobillə yolu keçən qəsəbə sakinlərini vurub. Hər iki piyada hadisə yerində dünyasını dəyişib.
Saxlanılan şəxsə “Yol hərəkəti və nəqliyyat vasitələrinin istismarı qaydalarını pozma” maddəsilə cinayət işi açılıb.
