Güzəştli şərtlərlə yaşa görə əmək pensiyası almaq hüququ verən incəsənətin xüsusi sahələrində, yeraltı, əmək şəraiti xüsusilə zərərli və ağır olan işlərdə ən azı 12 il 6 ay çalışmış kişilər və azı 10 il çalışmış qadınlar 5 il daha tez pensiyaya çıxmaq hüququ qazancaqlar.
Bu, “Əmək pensiyaları haqqında” Qanuna təklif edilən son dəyişikliklərdə öz əksini tapıb. Məsələ ilə bağlı aprelin 18-də Milli Məclisin İqtisadi siyasət, sənaye və sahibkarlıq komitəsinin üzvü, deputat Vüqar Bayramov Facebook səhifəsində paylaşım edib.
Həmçinin hipovizqanizm xəstəliyinə tutulan şəxslər (liliputların) və fizioloji mütənasibliyi pozulmuş cırtdanboy şəxslər azı 5 il sığorta stajı olduqda 20 il daha tez pensiyaya çıxa biləcəklər.
Mülki aviasiya uçuş və uçuş-sınaq heyətində çalışanların həmin işlər üzrə azı 25 il, səhhətinə görə uçuş işindən azad olunmuş şəxsərin isə həmin işlər üzrə azı 20 il sığorta stajı olduqda pensiyaya çıxma yaş həddi 15 il azaldılacaq.
