Ukraynada Taras Şevçenko adına Milli Muzeydə dekabrın 25-də xalçaçı-rəssam Eldar Hacıyevin əl işlərindən ibarət sərgi təşkil olunub. Bu barədə Report xəbər paylaşıb.
Sərgidə əsas mövzu Azərbaycan mədəni tarixi nümunələri və Qarabağ irsi olub. Xüsusilə Qarabağ atları sərginin əsas komponentlərindən biri olub.
Muzeyin Baş direktoru təəssüratlarını bölüşüb: “Hesab edirəm ki, xalçaçılıq qiymətli ənənədir. Azərbaycanın uğurları, qələbələri bizim üçün vacibdir. Uğur qazanmaq asan iş deyil, o cümlədən incəsənət sahəsində. Əvvəlcə sirrlərinə bələd olmaq lazımdır”, - deyə o bildirib.
Rəssam Eldar Hacıyev qeyd edib ki, burada rəsm və xalçalar ilə birgə ümumilikdə 25 iş nümayiş olunub. Sərgi Azərbaycanın Ukranadakı səfirliyin dəstəyi ilə baş tutub və gələn il yanvarın sonunadək davam edəcək.
Foto: Report
[URIS id=19489]
