İşğaldan azad edilmiş ərazilərdə biznes qurmaqla bağlı Kiçik və Orta Biznesin İnkişafı Agentliyinə daxil olmuş 929 müraciətin 441-i investisiya layihələri, 488-i isə podrat əsaslı layihələrlə bağlı olub. Bu barədə 24 dekabr tarixində Report Orxan Məmmədova istinadən məlumat verib.
Orxan Məmmədov Yeni Azərbaycan Partiyasının təşkilatçılığı ilə keçirilən elmi-praktiki konfransda bildirib ki, daxil olmuş müraciətlərin 27%-i tikinti, 27%-i ticarət və xidmət, 20%-i sənaye, 18%-i kənd təsərrüfatı, 8%-i isə turizm və digər sahələri əhatə edib.
O, həmçinin qeyd edib ki, müraciətlərin 111-i Şuşa, 108-i Ağdam, 62-si Füzuli, 49-u Kəlbəcər, 25-i Xocavənd, 25-i Cəbrayıl, 28-i Zəngilan, 21-i Qubadlı, 13-ü isə Laçına investisiya yatırılması ilə bağlı olub.
