Kürdəmir və Sabirabadda sanitar-karantin qaydalarını pozaraq yaşadıqları ünvanları tərk edən koronavirus xəstələri aşkarlanıb. Bu barədə DİN dekabrın 24-də məlumat verib.
Kürdəmir rayonu Atakişili kənd sakininə ev şəraitində müalicə təyin edilsə də o, rayonun Şımıxlı kəndi ərazisində əlvan metalların qəbulu məntəqəsində aşkarlanıb.
Sabirabad rayonunun Türkədi kənd sakini də aktiv koronavirus xəstəsi olaraq yaşadığı ünvanı tərk edib.
Qanunpozucular tibbi prosedurlar gözlənilməklə yaşadıqları evlərə qaytarılıblar.
Faktlarla bağlı araşdırmalar davam edir.
