Lənkəranda avtomobil qəzası nəticəsində 80-nə yaxın ailə qazsız qalıb.
Report-dan verilən məlumata görə, hadisə rayonun Sütəmurdov kəndi ərazisində baş verib. Belə ki, rayon sakini yanvarın 3-də idarə etdiyi “VAZ 2121” markalı avtomobillə axşam saatlarında idarəetməni itirərək yoldan çıxıb və kənardan keçən qaz xəttini qırıb.
Nəticədə təxminən 80 yaşayış evinə təbii qazın verilməsində bir neçə saatlıq fasilə yaranıb. Sürücünün sərxoş olduğu müəyyən edilib. Onun barəsində toplanmış materiallar Lənkəran Rayon Məhkəməsinə göndərilib.
Qeyd edək ki, bir neçə ay əvvəl də o, sərxoş vəziyyətdə avtomobil idarə etdiyinə görə saxlanılmışdır.
