Lənkəran Şəhər İcra Hakimiyyəti başçısının sabiq müavini Rəsilə Arifqızı yeni vəzifəyə təyinat alıb. Bu barədə İnsanoid 25 sentyabr tarixində Cenublu.az-a istinadən xəbər verir.
Məlumata görə, Rəsilə Arifqızı Lənkəran şəhər Osman Mirzəyev adına qarışıq tipli uşaq evinə direktor təyin olunub. Uşaq evinin direktoru Mehriban Səfərova isə bir müddət öncə tutduğu vəzifədən azad olunub.
Xatırladaq ki, 2022-ci ildə Rəsilə Arifqızı 9-cu sinif şagirdini döydüyünə görə və yeniyetmənin mobil telefonunu əlindən alıb, şəxsi məlumatlarını yaxın qohumlarına göndərdiyinə görə icra başçısının müavini vəzifəsindən azad olunub. Faktla bağlı “vəzifə səlahiyyətlərini aşma” maddəsi ilə cinayət işi başlanıb. Məhkəmənin hökmü ilə Rəsilə Arifqızı 4 min manat məbləğində cərimə olunub.
