Son 10 ayda türk lirəsi təxminən 2 dəfə ucuzlaşıb. Buna baxmayaraq Azərbaycanda satılan türk məhsullarının satış qiyməti dəyişmir. Bu məsələ ilə bağlı 1 dekabr tarixində Xəzər TV reportaj hazırlayıb.
Alıcıların sözlərinə görə, qiymətlərdə heç bir dəyişiklik yoxdur. Satıcılar isə bunun səbəbi kimi, Türkiyədə topdansatış mallarının ABŞ dolları ilə satılmasını göstərir.
İqtisadçı-ekspert Rəşad Həsənov hazırda Türkiyədən idxal olunan məhsulların qiymətlərində ciddi ucuzlaşmaların müşahidə edilmədiyini vurğulayıb: “Təbii ki, burada müəyyən səbəblər var. Bunlardan biri odur ki, bəzi sahibkarlar sövdələşmələrini xarici valyuta ilə edirlər və son nəticədə milli valyutanın ucuzlaşması qiymətlərə təsir etmir”.
“Bəzi ölkələr bilərəkdən milli valyutanı ucuzlaşdıraraq istehsal edilən məhsulların xarici bazarlarda daha rəqabətli olması üçün şərait yaradırlar”, - deyə ekspert əlavə edib.
