Macarıstanın Azərbaycandakı fövqəladə və səlahiyyətli səfiri Viktor Szederkenyinin başçılıq etdiyi nümayəndə heyəti Gəncəyə səfər edib. Bu haqda dekabrın 14-də Gəncə Şəhər İcra Hakimiyyəti məlumat verib.
Səfər çərçivəsində Viktor Szederkenyi və macarıstanlı iş adamları Gəncə Şəhər İH-in başçısı ilə görüşüblər. Həmçinin görüşdə Azərbaycanda şəhərsalma imkanları üçün Macarıstanın “Ağıllı və yaşıl şəhər” həlləri və texnologiyalarının təqdimatı olub.
Təqdimatda “ağıllı” piyada keçidlərinin, günəş paneli ilə təchiz olunan oturacaqların, su sərfiyyatının azaldılması, elektrik enerjisinə qənaət edilməsi barədə geniş məlumat verilib.
