Şəmkirdə yetkinlik yaşına çatmayan qıza qarşı seksual hərəkətlər edilib.
Gencexeber.az xəbər verir ki, hadisənin istintaqı Şəmkir Rayon Məhkəməsində keçirilib.
Belə ki, təqsirləndirilən 2001-ci il təvəllüdlü Qabil Əliyev (ad şərtidir) Şəmkir rayonunda anadan olub. O, 2009-cu il təvəllüdlü zərərçəkmiş Aygül Səfərova (ad şərtidir) ilə “Snapchat” sosial şəbəkəsində tanış olub. Bir müddət danışdıqdan sonra aralarında sevgi münasibəti yaranıb. Bu səbəbdən qız ötən ilin avqustun 3-də Abşeron rayonunda yaşadığı evi könüllü olaraq tərk edərək Qabilin evinə qonaq kimi gəlib.
Onlarda qaldığı müddətdə Qabillə Aygül arasında təbii və qeyri-təbii yolla cinsi əlaqə olub. Bununla da Qabil yetkinlik yaşına çatmayan Aygülün qızlıq pərdəsinin tamlığını pozaraq ona qarşı seksual hərəkətlər edib.
Nəticədə Qabil Əliyev Azərbaycan Respublikası CM-nin 152.1-ci maddələri ilə təqsirləndirilib.
Məhkəmədə təqsirləndirilən şəxs qismində dindirilən Qabil Əliyev özünü qismən təqsirli bilib:
“Şəmkir rayonundakı evdə anam, bacım, bacımın övladı və özümün iki azyaşlı uşağımla birlikdə yaşayıram. 2020-ci ildə ailə həyatı qurdum. Lakin təxminən 5-6 ay əvvəl boşandıq.
2024-cü ilin iyul ayında “Snapchat”da təsadüfi olaraq Aygüllə tanış oldum. Bir müddət mesajlaşdıqdan sonra aramızda sevgi münasibəti yarandı. Bir gün Aygül zəng edərək valideynlərinin onu incitdiyini dedikdə evdən qaçmasını, mənim evimə gəlməsinə razı saldım.
Aygül taksi ilə bizim küçəyə gəldi və onu ailə üzvlərimlə tanış etdim. Anam Aygüldən valideynlərinin nömrəsini istədi ki, məlumat versin. Lakin qız buna razı olmadı. Bizdə qaldığı müddətdə onunla eyni otaqda yatdıq. Avqustun 4-ü gecə yatarkən Aygül mənimlə cinsi əlaqədə olmaq istədiyini dedi. Mən razı olmasam da, öpərək ehtiraslandırdı. Nəticədə onunla cinsi əlaqədə olaraq bakirəliyini pozdum”.
Daha sonra məhkəmədə zərərçəkmiş Aygül Səfərovanın ibtidai istintaqdakı ifadəsi elan edilib:
“10-cu sinifdə oxuyuram. 2024-cü ilin iyun ayında “Şamaxinka” deyilən ərazidə parkda olan zaman Qabil yaxınlaşaraq mənimlə tanış olmaq istədiyini dedi. Ona “Snapchat”dakı “Zema” adlı profilimi verdim. Həmin gün Qabil mənə yazdı və danışmağa başladıq. Bir neçə gün yazışdıqdan, bir-birimizə şəkillər atdıqdan sonra Qabil mənə sevgi etirafı etdi. Virtual sevgili olduq və sevgili kimi demək olar ki, hər gün yazışmağa, videogörüntülü danışmağa başladıq.
Qabil özü haqqında məlumat verərkən subay olduğunu, bacısı uşaqları ilə birlikdə yaşadığını demişdi. Həmçinin mənimlə evlənmək istədiyini dediyi üçün ona inandım. Avqustun 2-də balaca bacım üstündə anamla aramızda mübahisə yarandı. Bunu Qabilə danışanda evdən çıxmağımı, onun yanına gedərək evlənməyimizi təklif etdi. Səhəri gün valideynlərimə məktubda “məni yalandan axtarmayın, sevdiyim məni gəldi apardı, axtarsanız da tapa bilməzsiniz” yazaraq yaşadığım evi tərk etdim.
Qabilgilin evinə gəldikdən sonra onlarla yaşamağa başladım. O, evdəki uşaqların boşanmış bacısının övladları olduğunu demişdi. Gəldiyim gün onunla ayrı otaqlarda qaldıq. Səhəri gün Qabil mənə sevgini sübut elə, bir yerdə olaq dedi. Həmin gün mənimlə israrla cinsi əlaqədə olmaq istədiyini görüb razılaşdım. Bununla da cinsi yolla əlaqədə olaraq bakirəliyimi pozdu. Səhəri gün Qabil uşaqların onun olduğunu, evlənib boşandığını etiraf etdi. İlk başda çıxıb getmək istəsəm də, sözlərlə məni razı saldı”.
Məhkəmənin qərarı ilə 15 yaşlı qızla cinsi əlaqədə olmuş Qabilə 1 il 9 ay həbs cəzası verilib.
