İrəvanda konsertə hazırlaşan məşhur reper Snoop Dogg Azərbaycana qarşı təxribatından da qalmayıb. Bu barədə İnsanoid bu gün, 5 sentyabr tarixində xəbər verir.
Sentyabrın sonlarına yaxın İrəvanda baş tutacaq konsert Ermənistan büdcəsinə 23,2 milyon dollara başa gələcək.
Görünür, bu məbləğ ifaçını həyəcanlandırıb və onun sərsəm açıqlamalar verməsinə gətirib çıxarıb.
O, özünün “Instagram” hesabında Azərbaycanın Qarabağ iqtisadi rayonunu qondarma “Artsax” adı ilə adlandırıb və orada yaşayan ermənilərə sevgisini bildirib.
“Əziz erməni xalqı, mən sizi düşünürəm və Ermənistanda, “Artsax”da və bütün dünyada yaşayan bütün ermənilərə öz sevgimi bildirirəm. Hər kəsə sevgi, sülh və möhkəm olmağı diləyirəm. Sentyabrın 23-də gələcəyəm”, - deyə Snoop Dogg paylaşımında yazıb.
