Mingəçevirdə məcburi köçkünlərin məskunlaşdığı iki mərtəbəli binada yanğın olub. Bu barədə dekabrın 14-də Fövqəladə Hallar Nazirliyi məlumat yayıb.
Binanın 2-ci mərtəbəsində ümumi sahəsi 20 m² olan otaqda ev əşyaları 8 m² sahədə yanıb.
Yardımlı rayonunun Çay Üzü kəndində uşaq bağçası yanıb. Ümumi sahəsi 200 m² olan bağçanın mətbəxində tavan 4 m² sahədə yanıb.
Hər iki yanğın məhdudlaşdırılaraq söndürülüb.
Azərbaycanda bu ilin 9 ayı ərzində 1 805 yanğın hadisəsi olub. Həlak olanların sayı 24, yaralananların sayı isə 104 təşkil edib. Vəfat edənlərin sayı ötən ilin eyni dövrü ilə müqayisədə 25% azalıb.
