Şəmkirdə dayısını 150 ABŞ dolları məbləğində borca görə öldürən şəxsə hökm oxunub. Turan Əzizov 14 il müddətinə azadlıqdan məhrum edilib. Bu haqda dekabrın 15-də Report məlumat yayıb.
Hadisə bu il iyulun 26-sı saat 18:00 radələrində şəhərin S.Vurğun küçəsində baş verib. Rayon sakini dayısına borcunu qaytarmaqdan yaxa qurtarmaq niyyətilə onu mətbəx bıçağı ilə qətlə yetirib. Qeyd edilib ki, o, bu cinayəti sərxoş vəziyyətdə olarkən törədib.
Sözügedən şəxs barəsində “xüsusi amansızlıqla və ya ümumi təhlükəli üsulla adam öldürmə” və “tamah məqsədi ilə və ya sifarişlə, habelə zərərçəkmiş şəxsin orqanlarından məqsədi ilə adam öldürmə” maddələri ilə ittiham olunub.
Azərbaycanda 2021-ci ilin birinci yarısında 15 minə yaxın cinayət hadisəsi baş verib. Onlardan qəsdən adam öldürmə və adam öldürməyə cəhdlərin sayı 109 təşkil edib.
