Şəmkirdə evlərdən 25 min manatlıq oğurluq edən şəxs saxlanılıb. Bu barədə dekabrın 27-də Daxili İşlər Nazirliyi məlumat verib.
Məlumata əsasən, əvvəllər məhkum olunmuş rayon sakini Yeni Həyət kəndində yerləşən evdən 5 575 manat nağd pul və ümumi dəyəri 4 030 manat olan qızıl-zinət əşyaları oğurlayıb.
Araşdırmalar zamanı müəyyən edilib ki, həmin şəxs rayonun Çinarlı qəsəbəsində də evdən 15 000 manatlıq qızıl-zinət əşyaları oğurlayıb. Daha sonra onun Gəncə şəhərində iki mənzildən qızıl-zinət əşyalarını ələ keçirməsi müəyyənləşdirilib.
Eyni zamanda, mobil telefon oğurlamaqda şübhəli bilinən rayon sakini saxlanılıb. Daha öncə o, Gəncə şəhərindəki Mərkəzi Univermaqda satıcının məşğul olmasından istifadə edərək qızıl boyunbağı ələ keçirib.
Şübhəli bilinən şəxslər saxlanılıb.
