Dekabrın 1-dən etibarən Rusiya Azərbaycana müntəzəm uçuşların sayını artırıb. Bu barədə Sputnik Azərbaycan məlumat verib.
Moskvadan Bakıya uçuşların sayı həftədə 14 reysə, digər şəhərlərin hava limanlarından isə həftədə iki reysə çatdırılıb.
Həmçinin AZAL bugündən Moskvanın “Vnukovo” hava limanına xüsusi reyslər həyata keçirməyə başlayıb, “Domodedovo” hava limanına isə uçuşların sayını artırıb.
Hər iki hava limanına uçuşlar gündəlik baş tutacaq.
Aviabiletləri AZAL-ın rəsmi saytından və yaxud akkreditə olunmuş agentliklərindən əldə etmək olar. Pandemiya dövründə sözügedən ölkəyə giriş qaydaları ilə buradan tanış olmaq olar.
