Xəzər dənizinin Azərbaycan sektorunda aparılan ərazi kəşfiyyatı zamanı suyun 60 metrədək dərinliyində minalar aşkarlanıb. Bu barədə mayın 4-də Müdafiə Nazirliyindən məlumat verilib.
Aşkarlanmış obyektlərin keçmiş SSRİ dövründə minalanma standartlarına tam əməl edilmədən suya atılmış 6 ədəd böyük gəmi minası (КБ-1) olması müəyyən edilib.
Minaların aşkarlandığı ərazi təhlükəsizlik məqsədilə gəmi sürücülüyü üçün müvəqqəti bağlanılıb.
Tapılan minaların mayın 9-dan etibarən zərərsizləşdirilməsi və axtarış tədbirlərinin davam etdirilməsi planlaşdırılır.
