Tovuz rayonunda qətl törətməkdə təqsirləndirilən Elvin Əhmədov 12 il 6 ay müddətinə həbs edilib. Bu barədə dekabrın 15-də Report məlumat paylaşıb.
Hadisə 2021-ci ilin 8 fevral tarixində saat 01:00 radələrində Ceyrançöl qış otlaq sahəsində yerləşən fermada baş verib.
Məlumata əsasən, hadisədən bir gün öncə Elvin Əhmədov ailəsi ilə birlikdə bacanağının fermasına qonaq gedərək orada olan şəxslərlə spirtli içki qəbul edib. Daha sonra fermada yaşayan 37 yaşlı İlqar Məmmədov saxlanılan şəxsin bacanağına qarşı ailə üzvlərinin qarşısında nalayiq ifadə işlədib.
Bu zaman onların arasında mübahisə yaranıb. Nəticədə E. Əhmədov mətbəx bıçağı ilə İ. Məmmədovu qətlə yetirib.
Faktla bağlı “qəsdən adam öldürmə” maddəsi ilə cinayət işi başlanılıb.
