Sabunçu rayonunun Maştağa, Nardaran və Bakıxanov qəsəbələrində narkotikin satışı, kultivasiyası ilə məşğul olan və qanunsuz olaraq odlu silah-sursat saxlayan şəxslər saxlanılıb. Bu barədə aprelin 19-da DİN xəbər yayıb.
Maştağa qəsəbə sakini Elnur Babayevdən 244 qram marixuana aşkar edilib. Onun bağ evinə baxış zamanı oradan 7 kiloqram 20 qram marixuana, 8 853 ədəd çətənə kolu aşkar edilərək götürülüb.
Bakıxanovda Vüqar Əmirlinin üzərindən 60 qram heroin aşkar edilib. Onun evindən isə 1 kiloqrama yaxın heroin və metamfetamin tapılıb.
Nardaranda Sabir Babayevdən 1 ədəd “Kalaşnikov” markalı avtomat, 1 ədəd daraq, 31 ədəd patron və 1 kiloqram 105 qram heroin aşkar edilib.
Saxlanılanlar barəsində həbs qətimkan tədbiri seçilib.
Video: YouTube Azərbaycan Respublikasının Daxili İşlər Nazirliyi
