Bakıda narkotikə görə tutulan şəxsin 15 mindən çox oğurluq etdiyi müəyyən edilib. Bu barədə Report aprelin 20-də Daxili İşlər Nazirliyinə istinadən məlumat verib.
Saxlanılan Bakı şəhər sakinindən 345 qram marixuana aşkarlanıb. Daha sonra onun “Mercedes” markalı bir yük avtomobilindən akkumulyator, Kürdəxanı qəsəbəsindəki bir yarımtikilidən 5 000 manat dəyərində elektrik naqili, bir mağazadan isə 720 manat pul, 530 manat dəyərində tütün məmulatı və mobil telefon aksesuarları oğurlaması da məlum olub.
Sözügedən şəxs, həmçinin 15 evdən və 7 həyətyanı sahədən ümumilikdə 9 100 manat pul, geyim, məişət əşyaları, inşaat materialları və su sayğacı aparıb.
