Azərbaycanda pensiyaçıların 64%-i yaşa görə, 24%-i əlilliyə görə, 12%-i isə ailə başçısını itirməyə görə pensiya alır. Bunu Milli Məclisin Əmək və sosial siyasət komitəsinin bu gün keçirilən iclasında əmək və əhalinin sosial müdafiəsi naziri Sahil Babayev bildirib.
Bu barədə 27 noyabr tarixində Report məlumat verib.
"Yaşa görə pensiya üzrə əksər ölkələrdə beynəlxalq normativ 65-70%-dir. Bu istiqamətdə irəliləyiş əldə edib, 64%-ə yaxınlaşmışıq”, - deyə o qeyd edib.
Bundan başqa, nazir deyib ki, ölkədə bu gün 0-18 yaş arası 18 500 nəfər, 19-40 yaş arası 28 953 nəfər, 41-50 yaş arası 48 379 nəfər, 51-55 yaş arası 46 156 nəfər, 56-60 yaş arası 71 000 nəfər, 61-65 yaş arası 151 000 nəfər, 66-73 yaş arası 324 000 nəfər, 77 yaşdan yuxarı isə 148 000 nəfər pensiyaçı var.
