Neftçala və Salyan rayonlarında payızlıq əkinlərin Elektron Kənd Təsərrüfatı İnformasiya Sistemində (EKTİS) bəyanı prosesi ilə bağlı tədbir keçirilib. Bu barədə dekabrın 10-da Kənd Təsərrüfatı Nazirliyinin saytında məlumat verilib.
Fermerlərin nəzərinə çatdırılıb ki, payızlıq əkinlərin bəyanı üçün təyin edilmiş müddət dekabrın 30-da yekunlaşacaq. Bu müddətə kimi əkinlər EKTİS-də bəyan edilməlidir. Həmçinin bildirilib ki, payızlıq əkinlərə görə subsidiyalar fevral ayından başlayaraq vətəndaşların “Fermer kart”ına köçürüləcək.
Əlavə olaraq sahibkarlara məlumat verilib ki, 10 hekdardan çox sahələr sığorta olunmalı, 5 hektardan çox sahələr üzrə isə torpaq nümunələrindən analiz verilməlidir.
Qeyd edək ki, son üç həftə ərzində 30-dan artıq rayonda məlumatlandırıcı sessiyalar keçirilib.
