Neft Emalı Zavodunda (NEZ) bu ilin ortalarında “AVRO-5” standartına uyğun olan dizel, gələn ilin ortalarında isə benzin istehsal ediləcək. Bu haqda aprelin 15-də SOCAR-ın nümayəndəsi Emil Alxaslıya istinadən APA məlumat verib.
Onun sözlərinə əsasən, hazırda zavodda yenidənqurma işləri davam edir və işlərin 2026-2027-ci illərə tam bitməsi planlaşdırılır.
E.Alxaslı, həmçinin əlavə edib ki, layihənin sonunda NEZ-də 22 əsas texnoloji qurğunun fəaliyyəti təmin olunacaq.
Eyni zamanda, məlumatda zavodun təmirinin hər il deyil, iki ildən bir həyata keçiriləcəyi bildirilib.
Qeyd edək ki, 4 aprel 2022-ci il tarixindən Neft Emalı Zavodunun fəaliyyəti əsaslı təmir üçün dayandırılıb.
