Neftçala rayonunun 12 kəndində (Mirzəqurbanlı, Tatarməhlə, Abbasalılı, Mirqurbanlı, Həsənabad, Qoltuq, Uzunbabalı, Kürqarabucaq, Birinci Qaralı, İkinci Qaralı, Qədimkənd, Yuxarı Qaramanlı) su təminati ilə işlər aparılır. Bu barədə avqustun 10-da Azersu məlumat verib.
Uzunbabalı kəndində işlər yekunlaşıb. Kürqarabucaq, Birinci Qaralı, İkinci Qaralı, Qədimkənd, Yuxarı Qaramanlı kəndlərinin 11 km uzunluğunda magistral su kəmərinin 6 km-lik hissəsi inşa edilib.
Gələcəkdə Salyan şəhərindən Neftçalaya ikinci magistral kəmərin inşası nəzərdə tutulur. Bu kəmər hesabına daha 8 kəndin içməli su təchizatı yaxşılaşdırılacaq.
Şirvan-Muğan qrup su kəmərindən Neftçala şəhərinə 40 km uzunluğunda magistral kəmər və Salyan şəhəri yaxınlığında həcmi 7500 kubmetr olan su anbarı tikilib. 2020-ci ilin noyabr ayında magistral kəmərdən Neftçala şəhərinə suyun verilməsi təmin edilib.
