Novruzu qeyd etmək istəyənlər bu uzun tətildə daha çox rayonlara üz tuturlar. Bayrama az zaman qaldıqca hotellərdə boş yerlərin sayı da get-gedə azalır. İnsanoid həmin məkanlarda bayram günləri, 20-21 mart tarixlərinə olan qiymətləri öyrənmək üçün araşdırma aparıb.
Qəbələdəki “Qafqaz Tufandag Hotel”də bayram günləri canlı musiqi, alov şousu, uşaqlar üçün müxtəlif əyləncələr və Childag Bar-da şənliklər təşkil olunacaq. Burada gecələmək iki nəfər üçün 258 manata (səhər yeməyi daxildir) başa gələcək. Həmçinin qonaqlar Qəbələnd Əyləncə Mərkəzində 10% endirim, “Tufandag Mountain Resort”da avtoxizək turlarına 20% endirim və “Caspian” balıq evində 20% endirim əldə edəcəklər. Bununla yanaşı, onlara Qəbələ Atıcılıq Klubunda ödənişsiz 10 ox atışı təqdim olunacaq.
[gallery link="file" columns="1" size="full" ids="36777"]
Açıq, qapalı hovuzları və restoranı olan “Sakit Göl” hoteli Şamaxıda yerləşir. Novruz bayramında burada təntənəli tədbirin keçirilməsi nəzərdə tutulmur. Axşamlar restoranda canlı musiqi səslənəcək. Hoteldə qalmaq səhər yeməyi ilə birlikdə 240 manatdır.
[gallery link="file" columns="1" size="full" ids="36779"]
Həmin rayonda yerləşən digər hoteldə, Böyük Qafqaz Dağlarının yamacındakı “Shamakhi Palace Sharadil”də iki nəfərlik paketin qiyməti 3 dəfə qidalanma ilə 350 manatdır. Burada canlı musiqi, azyaşlılar üçün konsert keçiriləcək.
[gallery link="file" columns="1" size="full" ids="36780"]
“Marxal Resort & Spa” kompleksi Şəkinin dağlarla əhatə olunmuş ərazisində, dəniz səviyyəsindən 1 080 metr yüksəklikdə yerləşir. Mehmanxanada Novruzla bağlı tonqal qalanacaq, canlı musiqi olacaq. Hoteldə bir günü keçirməyin qiyməti iki nəfər üçün 260 manat təşkil edəcək. Bu qiymətə yalnız səhər yeməyi daxildir.
[gallery link="file" columns="1" size="full" ids="36781"]
Eyni bölgədə yerləşən “Sheki Palace”da iki nəfər üçün otağın qiyməti 110 manatdır. Hoteldə bayramla əlaqədar heç bir şənliyin keçirilməsi gözlənilmir. Qeyd edək ki, 20-21 tarixlərinə burada boş yer yoxdur.
[gallery link="file" columns="1" size="full" ids="36783"]
Qaxda, şəlalələrdən cəmi 5 kilometr aralıda yerləşən “El Resort” bayram günləri iki nəfər üçün 190 manatlıq paket təklif edir. Bu qiymətə dağ mənzərəli otaqda gecələmə, səhər yeməyi, qapalı hovuz, türk hamamı, spa və saunadan istifadə daxildir. Novruz bayramında burada şənliyin əsas personajları Kosa və Keçəl, Kukla Teatrının əməkdaşlarının iştirakı ilə şou, uşaqlar üçün müxtəlif oyunlar təşkil ediləcək.
[gallery link="file" columns="1" size="full" ids="36784"]
“Quba Palace Hotel”-də tətil günləri bayram konserti, tonqal şousu, uşaqlar üçün əyləncə proqramı baş tutacaq. İki nəfərlik otağın qiyməti 250 manatdır. Buraya bir dəfə (səhər) qidalanma daxildir.
[gallery link="file" columns="1" size="full" ids="36785"]
“Qalaaltı Hotel & Spa” Bakıdan 120 kilometr məsafədə, Şabran rayonunda yerləşən müalicəvi-bərpa kurort kompleksidir. Burada 3 dəfə qidalanma ilə qiymət 295 manat təşkil edir. Novruz tətilində hoteldə şənlik, animasiya və əyləncələr, canlı musiqi, diskoteka olacaq.
[gallery link="file" columns="1" size="full" ids="36786"]
Şahdağdakı “Pik Palace” hotelində il boyu əyləncəli fəaliyyətlər mövcuddur: haykinq, kvadrasikl turları, xizək sürmə, peyntbal, buzda konki sürmə, at sürmək və təlimatçı ilə paraqlaydinq uçuşları. "Deluxe King" otağı səhər yeməyi ilə bir yerdə 220 manat, dağ mənzərəli otaq isə 285 manatdır. Hoteldən bildirilib ki, bayramla bağlı şənlik keçirilməyəcək.
[gallery link="file" columns="1" size="full" ids="36787"]
