Ölkədə 5 avqust tarixində yol qəzaları nəticəsində 5 nəfər xəsarət alıb.
Binəqədi rayonu ərazisində Bakı-Sumqayıt şossesində yol qəzası baş verib. “Isuzi” markalı yük maşını yüksək sürətdə “Mercedes” markalı minik avtomobilinə, sonra beton yol ayrıcına çırpılıb. Qəza nəticəsində hər iki avtomobilinin sürücüsü və sərnişinlərdən biri xəsarət alıb.
Nəsimi rayonu ərazisində, Azadlıq prospektində "Xəzər" markalı minik avtomobili qarşıdan gedən motosikletə çırpılıb. Motosikletin sürücüsü yaralanıb.
Goranboyda minik maşınının sürücüsü qarşısına çıxan maneədən yayınmaq istəyərkən idarəetməni itirib. Avtomobil yol kənarına aşıb. Hadisə nəticəsində 1983-cü il təvəllüdlü Bərdə rayon sakini xəstəxanaya yerləşdirilib.
Xaçmazda Bakı şəhər sakininin idarə etdiyi “QAZ-3100” markalı avtomobil piyadanı vurub. Xəsarət alan şəxs xəstəxanaya yerləşdirilib.
Faktlarla bağlı araşdırma aparılır.
Dövlət Statistika Komitəsinin məlumatına görə, 2021-ci ilin birinci rübündə yol qəzaları nəticəsində 125 nəfər ölüb, 370 nəfər xəsarət alıb.
