2021-ci il noyabrın sonunadək Azərbaycandan Avropaya 7,3 milyard kubmetrə yaxın təbii qaz nəql olunub. Bu barədə energetika naziri Pərviz Şahbazovun “Azərbaycanın inkişaf modeli: Dünən, bu gün və sabah” mövzusunda keçirilən konfransdakı çıxışına istinadən 21 dekabrda Trend məlumat verib.
“Azərbaycanın Avropaya qaz tədarükünü artırmaq potensialı var. Əgər avropalı istehlakçıların qaza əlavə tələbatı yaranarsa, Qərbi Balkan regionuna, Şərqi Avropanın digər ölkələrinə qaz tədarükü başlaya bilər", - deyə Pərviz Şahbazov əlavə edib.
Nazir, həmçinin qeyd edib ki, 2022-2024-cü illərdə 34 milyon tondan çox neftin hasil olunacağı proqnozlaşdırılır.
