2021-ci ilin yanvar-noyabr aylarına olan göstəricilərə əsasən, qeyri-neft sektorunda ən çox ixrac olunan məhsullar pambıq, qızıl və pomidordur. Bu barədə 30 dekabr tarixində Azərbaycan Respublikası İqtisadi İslahatların Təhlili və Kommunikasiya Mərkəzinin dərc etdiyi İxrac icmalında məlumat verilib.
Keçən ilin eyni dövrü ilə müqayisədə pambığın və qızılın ixracı 69,5% və 0,5% artaraq müvafiq olaraq 187,7 və 184,7 milyon dollar təşkil edib. Pomidorun ixracı isə 26% azalaraq 140,6 milyon dollar təşkil edib.
Azərbaycanın yanvar-sentyabr aylarında ən çox qeyri-neft məhsulu ixrac etdiyi ölkələr arasında Rusiya, Türkiyə və İsveçrə yer alıb.
