Paytaxtın Yasamal rayonunda “BakuBus” avtobusuna avtomobil çırpılıb. Bu haqda dekabrın 23-də APA məlumat yayıb.
Hadisə Mikayıl Müşfiq və Hüseyn Cavid küçələrinin kəsişməsində baş verib. “Saipa” markalı maşının sürücüsü dönərkən sükana nəzarəti itirərək “BakuBus” MMC-yə məxsus 3 nömrəli sərnişin avtobusuna çırpılıb.
Nəticədə minik avtomobilinin sürücüsü ağır xəsarət alıb.
Faktla bağlı araşdırma aparılır.
Cari ilin 11 ayı ərzində Bakıda 458 yol-nəqliyyat hadisəsi baş verib. Nəticədə 191 nəfər ölüb, 365 nəfər isə yaralanıb.
