İqtisadi Zonaların İnkişafı Agentliyinin (İZİA) idarəçiliyində olan Pirallahı Sənaye Parkında yeni rezident - “Medtest” MMC qeydiyyata alınıb. Bu barədə 20 aprel tarixində Sumqayıt Kimya Sənaye Parkı məlumat verib.
Məlumata əsasən, “Medtest” MMC Parkının ərazisində “Qanda şəkəri təyin edən cihaz (qlukometr) və striplər istehsalı layihəsi” həyata keçiriləcək. Bildirilib ki, layihənin investisiya dəyəri 2,75 milyon manat təşkil edir. Burada 20 nəfərin daimi işlə təmin edilməsi nəzərdə tutulur.
İstehsal olunacaq məhsullar ilkin mərhələdə daxili bazarın tələbatının ödənilməsinə yönəldiləcək.
Qeyd edək ki, 2021-ci ilin sonuna olan məlumata görə, Pirallahı Sənaye Parkına 36,7 milyon manat investisiya yatırılıb. Bununla da, sənaye parkının rezidentlərinin sayı 5-ə çatıb.
