Dekabrın 9-da respublikanın ayrı-ayrı rayonlarında 15 nəfərdən qanunsuz saxladıqları ov tüfəngləri götürülüb. Bu barədə Daxili İşlər Nazirliyindən məlumat verilib.
Polis əməkdaşları Lənkəran, Goranboy, Zərdab, Qəbələ, Ucar və Şəmkir rayonlarında vətəndaşlardan 9 ov tüfəngi aşkar edərək müsadirə edib.
Goranboy, Şəki, Biləsuvar, Şəmkir və Quba rayonlarında isə 7 vətəndaş qanunsuz saxladıqları müxtəlif markalı 7 ədəd ov tüfəngini könüllü olaraq polis şöbələrinə təhvil veriblər.
Bütün faktlar üzrə müvafiq araşdırmalar aparılır.
