Azərbaycanın azad edilmiş ərazilərinin kənd təsərrüfatı sahəsində strateji inkişaf planı, ilk növbədə vətəndaşların doğma torpaqlarına tezliklə qayıtmasını nəzərdə tutur. Bu barədə 15 dekabr tarixində Kənd Təsərrüfatı Nazirliyi nəzdində Aqrar Tədqiqatlar Mərkəzinin direktoru Firdovsi Fikrətzadəyə istinadən Trend məlumat verib.
Mərkəz direktorunun dediyinə görə, layihələrə görə kənd təsərrüfatı sahəsi üzrə xidmətlərin təmin olunmalıdır və fermerlərin heyvandarlıqla məşğul olması üçün şərait yaradılmalıdır.
"Bütün bu işlər əhalinin azad edilmiş ərazilərə qayıtması ilə birgə tədricən həyata keçiriləcək. Bundan başqa, azad edilmiş ərazilərdə iqtisadiyyatın innovativ texnologiyalara əsaslanması barədə qərar verilib", - deyə o, əlavə edib.
