Dünən, mayın 3-də futbol üzrə Azərbaycan çempionatının 25-ci turunda “Qarabağ” futbol klubu “Sabah” komandası ilə 1:1 hesabı ilə heç-heçə edərək sona 3 tur qalmış çempionluğunu rəsmiləşdirib.
Qurban Qurbanovun yetirmələri ən yaxın izləyicisi olan “Neftçi”ni 12 xal qabaqlayır. Bu, Ağdam təmsilçisinin 9-cu çempionluğudur. Bu göstəricidə onlar “Neftçi”yə çatıb. “Qarabağ” Qurban Qurbanovun rəhbərliyi altında artıq 8-ci çempionluğunu yaşayır.
Qeyd edək ki, ilk dəfə Ağdam klubu 1993-cü ildə ölkə çempionu adını qazanıb.
