Azərbaycanda əmək miqrasiyası kvotası 2028-ci ilə qədər Qarabağda işləyən əcnəbilər nəzərə alınmadan müəyyən ediləcək.
Bu, “Əmək miqrasiyası kvotasının müəyyən edilməsi Qaydası”nda dəyişiklikdə öz əksini tapıb. Bununla bağlı 16 sentyabr tarixində Baş nazir Əli Əsədov yeni Qərar imzalayıb.
Bu Qərara əsasən, Azərbaycanda əmək miqrasiyası kvotası müəyyən edilərkən işğaldan azad edilmiş ərazilərdə əmək fəaliyyətinə cəlb edilən əcnəbilər nəzərə alınmayacaq.
Bu kvota ölkə ərazisində haqqı ödənilən əmək fəaliyyəti ilə məşğul olmaları nəzərdə tutulan əcnəbilərin sayının son həddidır.
Qərar 2023-cü il yanvarın 1-dən tətbiq edilir və 2028-ci il yanvarın 1-nə qədər qüvvədə olacaq.
